طلب الحصول على صك ثائر واعتمادى فى صفوف الثوار
الداعيه الكبير والذى نكن له كل التقدير والاحترام
والعضو او المسئول عن
اللجنة التنسيقية للثوار اواللجنه الائتلافية للثوار او اللجان المتخصصه فى قياده الثوار المهم اى لجنه والسلام
ولانى لا اعرف احد اخر فكل حديث عن اللجنة التنسيقة للثوره واى لجان اجدك متحدثا عنها بقناة الجزيرة
ولانك فى خطبة الجمعه التى اذاعتها ايضا قناة الجزيرة من مسجد راغب فى 6 اكتوبر يوم واحد ابريل تحدثت باعتبارك مسئول عن هذه اللجنه .
لذا اتشرف ان اتقدم لسعادتكم بطلبى هذا للحصول على صك ثائر
وبياناتى كالتالى
بصفتى مواطن مصرى معارض لنظام مبارك بل والسادات ايضا يعنى معارض من زمان .. رفضت الانضمام للحزب الحاكم رغم الاغراءات ورغم التهديدات
شرفتنى امن الدولة بالزياره فجرا وكنت زبون لديها باستمرار .. كنت اقول لن يسقط نظام مبارك الا بخروج شعب مصر كله للميدان والشوارع لاسقاط النظام
كانوا يقولون لى احلم يا غلبان .. وصحوت من الحلم على صوت هدير الاحرار يطالبون بسقوط النظام ..ولانى موظف غلبان ومعارض كمان فلا يوجد مكان لى
فى عملى وسبقنى من هم احدث منى والسبب معروف انى لست مضمون لامن الدولة والنظام .. فلا يمكن ان اكون مسئول
حتى الدرجه المكفوله بالقانون ضاعت كمان فانا لست مضمون والبكالوريوس شهادتى مكانها على الجدران متبروزه فى اطار.. ولا ننسى ايضا سخافة المدراء
اللى مصدعين دماغى بالاقوال .. غير دماغك وانتمائك ..تتبدل الاحوال وتلقى نفسك فى مكتب عال العال و يقف على باب مكتبك من يضرب لك تعظيم سلام
تركت عملى وسافرت ...
على اول طائره عدت لاشارك الثوار
وحظيت بشرف الانتصار وسقوط الطغيان وانا فى بلدى سعيد فرحان ..
تقدمت طليعه الشبان بدعوه للتظاهر فى 25 يناير مخافوش من امن النظام ...كسروا الخوف وخرجوا
مخافوش ..رايتهم فى الشوارع ابطال .. ووقف من مسك العصا من الوسط مثل الغربان .. مستنيين الانقاض
وكسر شعب مصر الصمت وخرجت ملايينه تهتف بسقوط النظام .. ملايين ..ملايين .. حشود غير مصنفه على احد .. ولا احد يستطيع ان يقول هذه الملايين هى جماهيرى
ملايين شعب مصر ... وسقط النظام ..
وخرجت علينا اللجان ..كل من هب ودب عمل لجنه وكثرت اللجان وضاع المعيار فالكل اصبح هو المسئول عن خاتم الثورة .. فهذا ثائر مضمون
وهذا عدو للثوار .. وزى ما بتفرقوا فى الاديان هذا مسلم هذا مسيحى مع انكم مصدعين دماغنا عن الوحدة الوطنية فرقتم فى شعب مصر ده ثائر ده
مش تمام .. اذا تظاهرتم فالكل لازم يسمع مفيش غيركم فى الميدان .. ولو خرجت ملايين غيركم .. اصدرت اللجان البيان .. هما مش معانا احنا الثوار
هما عايزين يخربوا الاوطان .. وتنسوا كلامكم عن الديمقرالطية ..وتظهر انيابكم المخبية وراء اللجان .. افتكرتم انكم اخذتم الشرعيه من الاستفتاء
المعهود .. لكن الاستفتاء مكنش على اللجان ولا سمعنا فيه بند عن انكم مسئولى الثوار .. وزى ما انافاهم مكنش على الدستور .. يعنى اللى صوت لم يصوت على الدستور
لكنه صوت على اجراءات وقواعد تنظم اعداد الدستور واختيار الرئيس وشروط الرئاسه .. ومع انكم قلتم الاخضر يعنى المسلمين تحكم والاسود يعنى عايزين المسيحين يحكموا مصر
هذا ما قيل لشعب مصر . على ايه حال ان معرفش انتم اخذتم الشرعية منين .. هل الملايين اللى خرجت وقعت لكم على بيان وكلتكم فيه عن شعبنا الغلبان
ولا انتم مين .. على ايه حال لاداعى لكثر الكلام ان قدمت مصوغات اعتبارى من الثوار وانتظر منكم اصدار الصك .. صك انى ثائر وليس صك الغفران
ليست هناك تعليقات:
إرسال تعليق