قام مجلسنا الموقر باغلبية الحزب الوطنى المزعومه بتمديد قانون الطوارى .. تحت دعوى انه يستخدم ضد الارهاب وتجار المخدرات ... ونسى المجلس انه فى يوم من الايام احتل الكثير من تجار المخدرات مقاعد المجلس الموقر ... ولان شر البلية ما يضحك فجميع تجار المخدرات فى مصر معروفين للاجهزة الامنيه التى تتعامل معهم بالحته ..حسب القاعده التى يعرفها كل شعب مصر التى تنظم العلاقة بين الحكومة وتجار المخدرات .. تسلمنى قضية اغمض عنية.. ... المشكلة ان الارهاب الموجود فى مصر هو ارهاب الحكومه .. ارهاب الخوف من زياده سعررغيف الخبز.. ارهاب انك لا تسطتيع تشترى كيلو لحمه ... ارهاب فى انهم يسرقوننا ..وممنوع الكلام .. ارهاب انهم فاسدين ويحكمون بالطوارى ... يبعون ارضنا فى ظل قانون الطوارى .. يبعون مشروعاتنا بابخص الاثمان فى ظل قانون الطوارى .. قالوا لنا السلام هيعيشنا تمام .. .. وينام الشعب الغلبان على الاحلام .. وعملوا السلام وباعوا الاوطان .. والعيشة بقت نار .. وفى النهاية تسمعهم يقولوا احنا بنعيش عصر الديمقراطية ..ديمقراطية الطوارى .. ديمقراطية انبح زى ما انت عايز واصرخ كمان .. بس غير كده انت مش هتكون تمام ..يعنى تقول اتظاهر واحتج وتعمل تجمعات كده هوه الارهاب ..انت تتكلم وتقول . لكن فعل ممنوع والف ممنوع .. يعنى نبقى زى النسوان نصرخ ونبكى ونذرف الدموع .. ولو تجاوزنا هذا المسار .. تقع فى المحظور .. وتبقى ارهابى والقانون موجود .. اوعى تفكر تعمل راجل وتقول هتظاهر اوعى تفكر تعمل راجل وتقول اضراب ..هذه هى الوصايا الوطنية للحكومة الوطنيه لعموم المواطنين ليعيشوا فى سلام امنين ..ولا يخافوا ابدا من قانون الطوارى
